Mung masha ni a asak law law wa hte hpaga ga sha ai Asuya

Ya hte Myen Mung hta bin mat ai Cylone Nargis laru a majaw jam jau hkrum nga ai Mung masha ni a matu garum na Mungdan shagu na hpung ni Myen Mung de du shang wa masai hku re.

Maigan Mungdan ni a garum ai lam ni grai n gun lu na zawn rai tim Asuya kawn gaw hka sha pyi a tsawm n lu jaw nga ai hte maza mala ni hpe pyi n lu seng ai lam ni hpe mu lu ai. Myen Mung Asuya hku na UN (United Nation) hpung dep garum gum hpraw US dollar 5,000,000$ a hpyi lajin ai hpe (UNOCHA) kawn ndau sha bra lai wa sai.

UN hku na garum na rai ni gaw Myen Mung, Yangon mare kata hta shawng kawn na du taw sai hpe Asuya kawn a hkang n jaw ai sha n shabra sha ngun ai lam hpe mung chye lu ai. Ndai lam ni hpe yu yu dat ga nga yang Myen Asuya (SPDC) gaw mung masha ni hpe garum na gumhpraw ni hpe masu la na maw taw ai hpe taw hkrau tak sawn yu yang mu lu na re.

Dai sha n ga, Myen Mung a consititution shagrin na referendum hpe laru hkrum ai buga ni hta lai na n htoi sit ai lam n nga ai sha galaw na nga ai hpe yu yang Masha ni garum da ai gumhpraw rau shan hte (SPDC) kawn garum ai zawn zawn ga law let Yes Vote ni hpe masu la hkyem ai masa mung nga ai. Hpa majaw nga yang UN kawn garum ai lam ni hpe galaw na nga yang gumhpraw sha hpyi let masha gaw n mai shang ai nga ai hpe yu yang grau sang lang na shadu ai.

Bai prat mi hta kalang mi hpyi shiga ten ai hpe n shapoi ai Asuya wa ya ten masha si jahpan ni hpe sha ni shagun ndau let Update galaw nga ai gaw UN a matu sha di hpa langai mi rai na kun ngu ngai shadu ai. Dai re ai majaw garum na ni nga yang ti nang nan ta tut garum yang she jam jau hkrum ai musha ni kaw grau du na re ngu kam ai.

Dai sha n ga ti nang hte hpa n seng ai Maigan mungdan ni pyi malu masha ni hpe majaw garan ya nga ai hte Asuya gun rai ni hpe dut ya nga ai lam ni shapoi nga ai gaw Mung masha ni si yang pyi hpaga galaw mayu ai Asuya re ai hpe a san sha mu lu ai. Ndai zawn Masha asak hte hpaga ga sha ai ni hpe gaw an-hte Jinghpaw Wunpawng sha ni a Asuya hku na gaw zep kawp n mai hkap la ai hku re.

Dai re ai majaw ndai Asuya hpe prat tup shagrin let mung sha wa hpe dip sha na Consititution hpe gaw du na Referendrum hta 'No Vote' bang let gawt kau ga ngu saw lajin dat ai law.

Prat Dep Ai Jinghpaw Wunpawng Mungdan De......

Code:

[right]Chye ju dum let
Ta Tut (T2)[/right]

[code]